Договор за соработка помеѓу Институтот на сметководители и овластени сметководители на Република Македонија и и Комората на проценувачи на Република Северна Македонија (КПРСМ)
05-08-2020
На 16 јули 2020 година, Институтот на овластени ревизори на Република Македонија (ИОРРМ) и Комората на проценувачи на Република Северна Македонија (КПРСМ) потпишаа Меморандум за соработка, со цел подигнување на повисоко ниво на професијата овластен ревизор и проценувач, промовирање на стручноста и знаењето на членовите, и обезбедување повисока достапност на професионална и практична обука за ревизија и проценување.
Договорот предвидува соработка во неколку области:
- Остварување соработка и партнерство, сојузи и заеднички настапи со: Здруженија, Универзитети, Национални и други академии, Бизнис-заедницата, јавни и приватни Институти и центри и со други домашни и странски субјекти, за унапредување на професиите овластен ревизор и проценувач;
- Организирање и реализирање на активности од взаемен интерес и цели;
- Организирање на други форми и видови на подигање на општото, стручното образовно ниво и поттикнување конструктивен натпревар меѓу различните идеи и пристапи;
- Подигнување на повисоко ниво на професиите овластен ревизор и проценувач;
- Поврзување на теоријата со пракса за ревизија и проценување;
- Промовирање на двете професии во јавни медиуми, социјални мрежи, пред професионални организации и регулаторните тела во Република Северна Македонија
Меморандумот го потпишаа претседателот на ИОРРМ, Драган Димитров и претседателот на КПРСМ, Антонио Георгиев.
